మిగిలిపో!

నా అంతరంగాన్ని నీ మనో నేత్రంతో చూడు!
ఏ చిత్రకారుడి ఊహకీ అందని
అపురూప సౌందర్యాలు కనిపిస్తాయి.

నా ఎదసొదలని ఒక్కసారి విను!
ఏ గాయకుడి గళానికీ అందని
అనూహ్య రాగాలు వినిపిస్తాయి.

నా మనసు పుస్తకాన్ని ఒక్కసారి చదువు!
ఏ కవి కలానికీ అందని
అవ్యక్త భావాలు తెలుస్తాయి.

నువ్వు.....

చిత్రకారుడివై ఏ సౌందర్యాన్నీ చిత్రించక్కర్లేదు......
గాయకుడివై ఏ రాగాన్నీ గానం చెయ్యక్కర్లేదు ......
కవివై ఏ భావాన్నీ వర్ణించక్కర్లేదు......

నన్ను నన్నుగా ప్రేమించే
ఒక మంచి స్నేహితుడిగా.....మిగిలిపో! చాలు.

......శ్రీ