హైకూలు

ఈ మధ్య చాలామంది పత్రికల్లో హైకూల పేరుతో తమ కవితల్ని ప్రచురిస్తున్నారు.

కాని, అసలు హైకూలు అనేవి జపనీస్ భాషలో కవితలు.

వాటి స్వారస్యం ఎక్కడంటే, ఇవి 3 పాదాల్లొ వుంటాయి.

కాని.....

ఆఖరు పాదం తీసేస్తే, మొదటి రెండు పాదాలకీ అసలు సంబంధం వుండదు!

నా ఉదాహారణ హైకూలు:-

1) 'అనంతాకాశం!

కల్లోల కడలి!

నడుమ----నిండు జాబిల్లి!'

2) 'ఆకాశం క్రింద మబ్బులు!

అనంతానంద హేల!

మయూరి నాట్య లీల!'

-------ఇలాంటివి. ట్రై చెయ్యండి!

మిగిలిపో!

నా అంతరంగాన్ని నీ మనో నేత్రంతో చూడు!
ఏ చిత్రకారుడి ఊహకీ అందని
అపురూప సౌందర్యాలు కనిపిస్తాయి.

నా ఎదసొదలని ఒక్కసారి విను!
ఏ గాయకుడి గళానికీ అందని
అనూహ్య రాగాలు వినిపిస్తాయి.

నా మనసు పుస్తకాన్ని ఒక్కసారి చదువు!
ఏ కవి కలానికీ అందని
అవ్యక్త భావాలు తెలుస్తాయి.

నువ్వు.....

చిత్రకారుడివై ఏ సౌందర్యాన్నీ చిత్రించక్కర్లేదు......
గాయకుడివై ఏ రాగాన్నీ గానం చెయ్యక్కర్లేదు ......
కవివై ఏ భావాన్నీ వర్ణించక్కర్లేదు......

నన్ను నన్నుగా ప్రేమించే
ఒక మంచి స్నేహితుడిగా.....మిగిలిపో! చాలు.

......శ్రీ

.........చాలు!

విశ్వమంత చోటేల?

నీ మదిలో.....గుప్పెడంత స్థలం చాలు!

సూర్యుడంత కాంతులేల?

నీ కనులలో.....మెరిసే గోరంత మెఱుపులే చాలు!

వెన్నెలంత చల్లదనమేల?

నీ చిరునవ్వుల .....తియ్యందనాలు చాలు!

మల్లెలంత పరిమళాలేల?

నీ మాటల.....సౌరభాల గుబాళింపులే చాలు!

సముద్రమంత అమృతమేల?

నీకు నాపై.....ఉన్న ప్రేమ చాలు!


.....శ్రీ